李永記貨真價實 童叟無欺

今日親身經歷一單「疑似」騙局，有關公司係香港寬頻。以下係對話內容。

「你好，我哋係香港寬頻，今次打嚟係想約返今個星期日上門拆返個寬頻電視嘅盒仔。」
「哦，咁呀，咁我想繼續睇嘅話要點做呢？」
「咁你可以以優惠月費＄６８簽約兩年咁就可以繼續收睇『若干』個頻道。」（忘記了多少個頻道）
「個寬頻電視係跟上網嘅，拆咗個寬頻電視盒仔會唔會影響上網呢？」
「唔會嘅。」
「咁我想查吓我個上網合約幾時到期。」
「哦，麻煩先生提供登記全名同身份證號碼核實身份。」
「點解頭先話要上嚟拆盒仔時你唔需要身份證號碼核實身份嘅呢？你公司嘅程序好有問題。」（開始起火）
「．．．唔好意思，我會同公司反映返，請先生你提供登記全名同身份證號碼，我查返上網合約資料。」
「ＸＸＸ，Ａ１２３４５６７。」
「唔該，先生你嘅上網合約係直到２０１０年７月嘅。」
「咁即係如果我要繼續睇寬頻電視要係點做呢？」
「咁就要簽新合約，月費＄６８簽約兩年，明天開始生效。」
「咁如果我唔比錢咁可以睇到幾時呢？」
「．．．係可以睇到另行通知為止．．．」
「咁你另行通知我啦，我唔會比錢嘅！」（簡直令人爆發！！）
「咁好啦，多謝你，拜拜．．．」

諗返都幾好笑，簡直可以比條橋「警訊」參考吓。