矛盾地討厭矛盾同時自己好矛盾

雖然我有時都幾煩，矛盾地我自己本身都係一個好怕煩嘅人。如果有人每人都提住我一啲嘢，而我又覺嗰樣嘢係一樣要記住但係唔係好重要，唔記得又唔會有好大影響嘅事，咁我就會好容易將嗰個「溫馨提示」當作「日哦夜哦」，覺得好唔耐煩，我諗呢啲都有少少「比個良心你就當狗肺」。

俞姓友人成日投訴我發牢騷(moaning)，同時矛盾地我又好鬼憎人發理啲不知所謂嘅牢騷。公司有一個肥婆(「肥」係一個中性嘅形容詞，「婆」係指一啲上咗年紀嘅女性)成日都喺度發理啲好無聊嘅牢騷，例如:「有冇搞錯呀，做死人咩，成二十張fax......」「嘥咗我個半鐘頭先做到......」「我自己都覺得自己摩打手，但係都做唔掂......」當然佢嘅本人只係一個好多嘢講得把聲其實係一塊紙版一樣嘅人。每次佢喺度嘈嘅時候，我都不期然諗:「頂!你唸完經未呀......收啦你......」不過當係到最後都係「算吧拉」，由得佢繼續嘈。

矛盾。

覺得人矛盾真係自己攞嚟衰，心理質素低到冇朋友，但時時自己又矛盾地矛盾好多嘢。

頂! 自己都唔知自己講乜......無鬼聊......