學車第一課

學車的第一課，開始勁手忙腳亂，左腳，一波，手制，放「極力子」，比油......一路去都ok，一到要轉波就開始嚟料，錯哂，想二入三，推到去二入五，五落二，又變咗五落四......「迫力」仲過份，一踩入哂，成個人撞埋大銀幕度咁滯，頂......不過，過咗半個鐘到，開始攞咗感覺，就開始順手順腳好多喇，喺九龍塘遊咗一陣，返到以前中學門口，以前成日行路返學，今日揸車經過，感覺就好似真係畢咗業好耐咁，成個人老哂......

不過，駕駛又真係一種樂趣嚟嘅，最緊要有感覺，聽見自己可以控制到轉檔嘅聲音同節奏好似人哋啲的士佬同小巴佬咁，又真係幾正。

都係努力啲儲錢，買車先買樓!